ഷോർട്ട് ഫിലിം മത്സരത്തിൽ പങ്കെടുക്കാം

ലോക ഭിന്നശേഷി ദിനാചരണത്തിന്റെ ഭാഗമായി സമഗ്ര ശിക്ഷ കേരളം (SSK) മലയാളം മാധ്യമത്തിൽ ഇംഗ്ലീഷ് സബ് ടൈറ്റിലോടുകൂടിയ ഷോർട്ട് ഫിലിം മത്സരം സംഘടിപ്പിക്കുന്നു. 

ഭിന്നശേഷി മേഖലയുമായി ബന്ധപ്പെട്ട വിഷയങ്ങൾ, (മനുഷ്യാവകാശം, സാമൂഹികാവസ്ഥകൾ, വിദ്യാഭ്യാസം, നിയമ നിർമാണം മുതലായവ) 2 മിനിറ്റിൽ കുറയാത്തതും 7 മിനിറ്റിൽ കൂടാതെ അവതരിപ്പിക്കണം.

ഒന്നാം സമ്മാനമായി 25,000 രൂപയും പ്രശസ്തി പത്രവും രണ്ടാം സമ്മാനമായി 20,000 രൂപയും പ്രശസ്തി പത്രവും മൂനാം  സമ്മാനമായി 15,000 രൂപയും പ്രശസ്തി പത്രവും നൽകും. 

•  വ്യക്തികൾ, കൂട്ടായ്മകൾ, സംഘടനകൾ, ഫിലിം സൊസൈറ്റികൾ തുടങ്ങി ആർക്കും ഷോർട്ട് ഫിലിം മത്സരത്തിൽ പങ്കെടുക്കാം. 
• തെരഞ്ഞെടുക്കപ്പെടുന്ന സിനിമകൾ പൊതുവിദ്യാഭ്യാസ വകുപ്പിന്റെ നേതൃത്വത്തിൽ വ്യാപകമായി സാമൂഹ്യ അവബോധത്തിനായി പ്രയോജനപ്പെടുത്തും. 
• തെരഞ്ഞെടുപ്പിനായി സിനിമകൾ "2022ഡിസംബർ 9-ന് മുമ്പായി" യുട്യൂബ് ചാനലിൽ പ്രൈവറ്റ് മോഡിൽ അപ്‌ലോഡ്‌ ചെയ്ത ശേഷം jesskfilm@gmail.com -ൽ സമർപ്പിക്കണം. 
• ഇതോടൊപ്പം സിനിമയെ സംബന്ധിച്ച വിശദാംശങ്ങൾ ഒരു പേജിൽ കൂടാതെ പി.ഡി.എഫ് ഫോർമാറ്റിൽ നൽകണം.